चाडपर्व लक्षित, कम व्याजदर र शुल्क कमिशनमा ‘कृषि विकाश बैंकबाट’ कर्जा लिनुहोस्, रोजीरोजी गाडी किन्नुहोस्

काठमाण्डौ,२९ भाद्र । हालै सम्पन्न नाडा अटो शो २०२४ मा “हजुर गाडी किन्ने सोचमा, एडिबिएल हजुरको साथमा र एडिबिएलबाट कर्जा लिनुहोस्, रोजीरोजी गाडी किन्नुहोस्” भन्ने व्यवसायिक प्रबद्र्धनात्मक नारा सहित कृषि विकास बैंकको पनि उक्त शोमा सहभागिता रहेको थियो । अटो तथा हायर पर्चेज कर्जा लिन चाहने ग्राहकहरुलाई आकर्षित गर्ने गरी बैंकले उक्त शो र चाडपर्व लक्षित गरी कम व्याजदर र शुल्क तथा कमिशनमा आकर्षक छुट सुबिधा सहित विशेष स्किम ल्याएको छ ।

सोही अनुरुप व्यक्तिगत प्रयोजनको लागि अटो कर्जा शीर्षकमा कर्जा लिन चाहनेको लागि स्थीर व्याजदर (Fixed Rate) छनौट गर्ने ग्राहकहरुलाई ८.९९% र परिवर्तनीय व्याजदर (Floating Rate) छनौट गर्ने ग्राहकहरुको लागि आधार दरमा ०.३६% मात्र प्रिमियम थप गरी कम व्याज दरमा कर्जा प्रबाह गर्ने बैंकले जानकारी गराएको छ ।

यसैगरी व्यवसायिक सवारी साधन खरीद गर्न चाहनेको लागि हायर पर्चेज कर्जा शीर्षकमा स्थिर तर्फ ९.४९% र परिवर्तनीय तर्फ आधार दरमा ०.८६% मात्र प्रिमियम थप गरी व्याज कायम हुनेछ । साथै यस स्किममा कर्जा प्रशोधन शुल्कमा ३३% छुट दिने निर्णय पनि बैंकले गरेको छ । नाडा अटो शो र चाडपर्व लक्षित यस स्किम मिति २०८१ कार्तिक मसान्तसम्म मात्र रहने हुँदा कार्तिक मसान्त भित्र कर्जा स्वीकृत हुने कर्जा ग्राहक यस स्किमबाट लाभान्वित हुनेछन् ।

बैंकको २०८१ भाद्र मसान्त महिनाको लागि आधार दर ७.६३ रहेको छ । साथै बैंकले कर्जा कार्यबिधि अनुसार सवारी साधनको मूल्यको आधारमा व्यक्तिगत ग्राहकको लागि पेट्रोल भेरिएन्ट भएमा ५०% सम्म र विद्युतीय सवारी साधन भएमा ८०% सम्म कर्जा प्रबाह गर्नेछ भने संस्थागत ग्राहकको लागि भने दुवै भेरिएन्टमा ८०% सम्म कर्जा प्रवाह गर्ने जनाएको छ ।

सवारी साधन नै धितोमा लिइने हुँदा ग्राहकले थप स्थिर सम्पति धितो भने राख्नु पर्ने छैन । तर ग्राहकले आयको नियमित स्रोत र विश्वसनीय व्यवसायिक आधार भने पेश गर्नु पर्नेछ ।
नाडा अटो सोमा बैंकको स्टलमा सो अवधीमा करीब ६०० आगन्तुकहरुले भ्रमण गरी कर्जाको शर्त तथा सुबिधाको बारेमा सोधपुछ गरेको र २५९ जनाले कर्जा लिन इच्छुक थिए ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |