भगवान महादेवलाई सच्चा मनले दर्शनगरि, आजको राशिफल हेर्नुहोस

काठमाण्डौ, १५ बैशाख । जयजय करुणादेव, महादेव नमोस्तुते, भगवान महादेवलाई सच्चा मनले दर्शनगरि, आजको राशिफल हेर्नुहोस सच्चा मनले दर्शनगरि, शुद्ध जल,पुष्प, बिल्वपत्र चढाएर हरेक कामको सुरुवात गरौँ,। परिवारमा महादेव भगवानको कृपादृष्टि हुनेछ ।

पुण्य गरे आफैलाई हो हजुर, मन्दिर जान नसकेपनि जहाँ छौँ त्यहिँ बाट दर्शन गरौँ, पुण्य प्राप्त हुनेछ, मनले चाहेको पुग्नेछ । ॐ नम शिवाय:भगवानले हामी सबैको कल्याण गरुन…..।

मेष राशि (चु, चे, चो, ला, लि, लु, ले, लो, अ): आयआर्जनका स्रोत बढ्ने र दैनिक काममा पनि राम्रै लाभ मिल्ने समय छ । अनुकूलता वृद्धि हुनुका साथै विगतको सफलताले थप काम गर्न हौसला प्रदान गर्नेछ । अभिप्रेरित गर्नेहरूले रचनात्मक काममा प्रवृत्त गराउन सक्छन् । विशेष महत्वको काम बन्नाले प्रसन्नता मिल्ने योग छ । सन्तानपक्षबाट खुशी प्राप्त होला । इष्टमित्र दाहिना बन्नेछन् ।

बृष राशि (इ, उ, ए, ओ, बा, बि, बु, बे, बो): कामको चापबाट मुक्त रही विश्राम पाइने समय छ । नयाँ कामको प्रस्ताव आउनेछ भने पहिलेका कमीकमजोरीलाई पनि सुधार गर्ने मौका मिल्ला । धन आर्जनको योग छ । परिवारजनको साथले उत्साह जगाउला । प्रतिस्पर्धीहरू भने सक्रिय बन्नसक्ने देखिन्छ, सजग रहनुहोला । सफलताका लागि आफ्ना योजनाहरू गोप्य राख्नुपर्नेछ । आफन्तको साथ, परिवारिक सुख र उत्साह बढ्नेछ ।

मीथुन राशि (का, कि, कु, घ, ङ, छ, के, को, ह): मिश्रित फलदायी समय छ । आश मारेको काम बन्नाले उत्साह जागृत भएपनि । अरूका काममा समय ज्यादा खर्चनुपर्ने देखिन्छ । अवसरका लागि जोखिमपूर्ण काममा जुट्नुपर्ने परिस्थिति आउन सक्छ । अवसर प्राप्त भए पनि तत्काल फाइदा उठाउन नसकिएला । सबल स्वास्थ्यका लागि खानपानमा विशेष सावधानी अपनाउनु हितकर होला । पढाइलेखाइमा समय दिन नसकिएला । धर्मकर्ममा आकर्षण बढ्नेछ । यात्रागत कार्यमा सफलता प्राप्त हुनेछ ।

कर्कट राशि (हि, हु, हे, हो, डा, डि, डु, डे, डो): आजको दिन ब्यस्तताका साथै काममा जोखिम बढ्ने देखिन्छ । शुभचिन्तकहरूको सुझावलाई बेवास्ता गर्दा दुःख पाइनेछ । महत्वपूर्ण काममा आज अरूको भर नपर्नु उचित हुनेछ । मेहनत अनुसारको फल प्राप्ति र परिवारजनका आवश्यकता पूरा हुनेछ । दिगो फाइदा हुने काममा लगानी गर्ने अवसर जुर्नसक्छ । स्थायी सम्पत्तिमा विवाद आउने योग रहेकोले सजग रहनुहोला । कर्मबल वृद्धि हुनेछ । रसरागमा आकर्षण बढ्ला ।

सिंह राशि (मा, मि, मु, मे, मो, टा, टि, टु, टे): दिगो फाइदा हुने काममा लगानी गर्ने अवसर जुट्ने समय छ । खर्च लागे पनि टाढाको यात्रा गर्ने प्रक्रिया अघि बढ्न सक्छ । विभिन्न सहयोग तथा उपहार प्राप्त हुने देखिन्छ । आयआर्जन पनि राम्रै हुनेछ । सुखदुःखमा साथ दिनेहरू भेटिनेछन् । तथापि, अरूको मात्र भर पर्नाले महत्वाकांक्षा पूरा नहुन सक्छ । प्रेमभाव बढ्नुका साथै दाम्पत्य सुख मिल्नेछ । स्वास्थ्य सबल रहला । पारिवारिक सुख बढ्नेछ ।

कन्या राशि (टो, प, पि, पु, ष, ण, ठ, पे, पो): लगनशीलताले प्रतिष्ठित काम गर्ने मौका दिलाउनेछ । प्रेम र मित्रताको बन्धन कसिनुका साथै दाम्पत्य सुखमा रमाउने समय छ । धनप्राप्ति तथा भौतिक वस्तु लाभ हुने देखिन्छ । गरिएका कामको राम्रै मूल्यांकन हुनेछ भने व्यापार तथा साझेदारीमा पनि फाइदा हुनेछ । रमाइलो यात्राको अवसर जुट्न सकछ । कार्यगति बढ्नेछ । आफन्तको साथ प्राप्त हुनेछ ।

तुला राशि (र, रि, रु, रे, रो, ता, ति, तु, ते): आजको दिन वादविवादमा परिने योग भएकाले बोली र व्यवहारमा संयमता अपनाउनु हितकर होला । छरछिमेकमा असमझदारी बढ्ने समय भएकाले होसियारीसाथ काम लिनु उचित हुनेछ । आँट गर्न नसक्दा विशेष योजना कार्यान्वयन नहुन सक्छ । अर्थअभावले सताउन सक्छ । अप्ठ्यारा परिस्थितिसँग सम्झौता गर्नुपरे पनि बुद्धिविवेक लगाउँदा लक्ष्य पहिल्याउन सकिनेछ । आरोग्यबल बढ्नेछ । काममा यात्राको सम्भावना छ ।

बृश्चिक राशि (तो, ना, नि, नु, ने, नो, या, यि, यु): चुनौतीहरू पन्छाउँदै रोकिएका काम पनि सम्पादन गर्न सकिने समय भएपनि फाइदाका पछि लाग्दा साथीभाइ टाढिन सक्छन् । कामको सन्दर्भमा शक्तिशाली व्यक्तिहरूसँग प्रतिस्पर्धा हुन सक्छ । अरूको विश्वास जिते पनि आफ्नाले धोका दिने सम्भावना छ, ध्यान राख्नुहोला । ब्यस्तता बढ्नेछ । समयमा हिम्मत गर्न नसक्दा पछि परिने सम्भावना छ । शत्रुपक्ष परास्त हुनेछ ।

धनु राशि (ये, यो, भ, भि, भु, ध, फा, ढ, भे): परिस्थितिले अप्ठ्यारा चुनौतीहरूसँग सम्झौता गराए पनि प्रयत्न गर्दा सहयोगीका माध्यमबाट फाइदा उठाउन सकिनेछ । गोपनीयतामा विशेष ध्यान दिनहोला । समयमा सजग नबन्दा शुभचिन्तकहरू समेत टाढा हुन सक्छन् । तथापि, मेहनत गर्दा बिस्तारै कर्मफल प्राप्त हुनेछ । मिठो भोजन प्राप्त हुनेछ । बौद्धिक र रचनात्मक काम बन्नेछ । रस रागात्मक काममा आकर्षण बढ्नेछ ।

मकर राशि (भो, ज, जि, खि, खु, खे, खो, गा, गि): मेहनतले विशेष उपलब्धि आर्जन हुनुका साथै मानसम्मानसमेत प्राप्त हुने समय छ । विछोडिएका आफन्तसँग भेटघाट हुनुका साथै स्वादिष्ट भोजनमा रमाउने अवसर प्राप्त हुने योग छ । आजको दिन अधिकारका लागि केही संघर्ष हुन सक्छ । आँटेका काममा प्रतिष्पर्धीले बाधा दिन खोज्नेछन्, सावधान रहनुहोला । आरोग्यता रहनेछ ।

कुम्भ राशि (गु, गे, गो, सा, सि, सु, से, सो, द): आजको दिन केही बाध्यतापूर्ण काममा जुट्नुपर्ला । स्वास्थ्य केही कमजोर रहनु सक्छ । सहयोगको आशा देखाउनेहरूले झुक्याउन सक्छन् । स्वास्थ्य प्रतिकूल रहे पनि हिम्मतले काम लिनुका साथै भैपरी आउने समस्या सुल्झाउन सकिनेछ । आश मारेको काम बन्नाले उत्साह जागृत होला । प्रयत्न गर्दा लक्ष्यमा पुग्न सकिनेछ । आर्थिक विकाससित सम्बन्धित कार्यमा सफलता मिल्नेछ ।

मिन राशि (दि, दु, थ, झ, ञ, दे, दो, च, चि): आजको दिन कामको सन्दर्भमा शक्तिशाली व्यक्तिहरूसँग प्रतिस्पर्धा हुन सक्छ, तर बुद्धिको उपयोगले धेरैलाई आफ्नो पक्षमा लिन सकिनेछ । सामाजिक उत्तरदायित्व वहन गर्दै भविष्यमा फाइदा हुने काम हातपर्ने योग छ । प्रतिस्पर्धीहरूले अप्ठ्यारोमा पार्ने प्रयास भने गर्नेछन् । खर्च पनि केही वृद्धि होला । आफन्तको साथ मिल्नेछ । सुख विलास पनि बढ्नेछ ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |