लक्ष्य प्राप्ति नभएसम्म दिनदिनै आन्दोलन जारी रहने घोषणा : जनआन्दोलन संयोजक नवराज सुवेदी

काठमाण्डौ, १६ जेष्ठ । लक्ष्य प्राप्ति नभएसम्म दिनदिनै आन्दोलन जारी रहने घोषणा : जनआन्दोलन संयोजक नवराज सुवेदी, राजसंस्था पुनःस्थापना संयुक्त जनआन्दोलन समितिका संयोजक नवराज सुवेदीले लक्ष्य प्राप्ति नभएसम्म दिनदिनै आन्दोलन जारी रहने घोषणा गरेका छन् ।

बिहीबार पूर्णरूपमा आन्दोलन सफल भएको दाबी गर्दै सुवेदीले अनिश्चितकालीन आन्दोलन घोषणा गरेका छन् । ‘जनताको चाहनामा लक्ष्य प्राप्ति नभएसम्म आन्दोलन जारी रहनेछ । शान्तिपूर्ण जनआन्दोलन जारी छ, पहिलो दिन हाम्रो आन्दोलन पूर्ण सफल भएको छ,’ उनले भने ।

सुवेदीले आगामी दिनहरूमा पनि सहभागिताका लागि आह्वान गरेका छन् । ‘भ्रष्ट शासक र व्यवस्थाको अन्त्य गरौं । संवैधानिक राजसंस्था, सनातन हिन्दू राष्ट्र सहितको बहुदलीय प्रजातन्त्र स्थापना गरौं,’ उनले भने ।

समितिले बिहीबारदेखि अनिश्चितकालीन आन्दोलन सुरु गर्दै भोलि शुक्रबार दिउँसो साढे १२ बजे माइतीघर मण्डलामा भेला हुन आह्वान गरेको छ ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |