श्री क्यौलेठाना आधारभूत विद्यालयका विद्यार्थीहरूले मनमोहक नृत्य प्रस्तुत गर्दै सयौं पत्रकारहरूको मन जिते

काठमाण्डौ,३१ असार । मेलम्ची नगरपालिका–९, गुफाडाँडा स्थित श्री क्यौले ठाना आधारभूत विद्यालयका विद्यार्थीहरूले प्रस्तुत गरेको मनमोहक नृत्यले काठमाडौंबाट आएका सयौं पत्रकारहरूको मन जित्यो। कुनै समय कमजोर भनिन्थ्यो यो विद्यालय, तर आज त्यसै विद्यालयले परिवर्तनको प्रेरणादायी कथा लेखिरहेको छ ।

विद्यालयको नेतृत्व परिवर्तनसँगै यसको पहिचान पनि फेरिएको छ। अब यो वडा नं. ९ कै नमुना विद्यालयको रूपमा उदाउँदैछ । विगत दुई वर्षदेखि आधारभूत तहका सबै विद्यार्थीहरू उत्तीर्ण हुँदै आएका छन्, जुन विद्यालयको अनुशासन, मर्यादा र गुणस्तरीय शिक्षाको प्रमाण हो।

शिक्षकहरूको समर्पण, अभिभावकहरूको सहकार्य, र व्यवस्थापन समितिको दूरदृष्टिले मिलेर बनाएको यो सफलताको ज्वलन्त उदाहरण हो। यो नृत्य त केवल माध्यम थियो ! त्यो माध्यमबाट एक अनुशासित र उज्वल भविष्यको झल्को देखिएको थियो ।

यस नृत्यले देखाएको प्रतिबिम्ब एउटा सन्देश मात्र हो ! जब समर्पण, सहकार्य र दूरदृष्टि मिल्छ, तब विद्यालयहरू पनि परिवर्तनको उद्गम बन्न सक्दछ भन्ने पुस्ट्याई विद्यालयले गरेकोमा म गौरवान्वित छु ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |