नगरप्रमुख तामाङको अध्यक्षतामा कक्षा ८ (BLE) र (SEE) मा उत्कृष्ट नतिजा ल्याउने विद्यार्थीहरूलाई सम्मान पुरस्कार वितरण कार्यक्रम सम्पन्न

काठमाण्डौ, ३१ असार । नगरप्रमुख तामाङको अध्यक्षतामा कक्षा ८ (BLE) र (SEE) मा उत्कृष्ट नतिजा ल्याउने विद्यार्थीहरूलाई सम्मान पुरस्कार वितरण कार्यक्रम सम्पन्न । मेलम्ची नगरपालिकाको आयोजनामा कक्षा ८ (BLE) तथा माध्यमिक शिक्षा परीक्षा (SEE) मा उत्कृष्ट नतिजा ल्याउने विद्यार्थीहरूलाई सम्मान तथा पुरस्कार वितरण कार्यक्रम सम्पन्न भएको छ ।

नगरप्रमुख आइतमान तामाङको अध्यक्षतामा सम्पन्न कार्यक्रममा उपप्रमुख उमा प्रधान,प्रमुख प्रशासकीय अधिकृत निमेष मिश्र वडाध्यक्ष,कार्यपालिका सदस्य,विभिन्न विद्यालयका प्रधानाध्यापक, शिक्षक, अभिभावक तथा विद्यार्थीहरूको उल्लेखनीय उपस्थिति रहेको थियो ।

कार्यक्रमको प्रमुख आकर्षणका रूपमा रहनु भएका नगरप्रमुख तामाङले उत्कृष्ट विद्यार्थीहरूलाई नगदसहित सम्मान गर्नुका साथै, अबदेखि मेलम्ची नगरपालिकामा आधारभूत तहसम्मको (कक्षा ८ सम्म) शिक्षा निःशुल्क र अनिवार्य गरिएको औपचारिक घोषणा गर्नु भयो ।

नगरपालिकाले आगामी दिनमा पनि शिक्षा क्षेत्रमा थप लगानी गर्दै गुणस्तर उन्नयनका कार्यक्रमलाई निरन्तरता दिने धार्न राख्नु भयो। कार्यक्रममा आधारभूत तह (BLE) परिक्षामा ४ र माध्यमिक तह (SEE) परिक्षामा ३९ जना गरी जम्मा ४३ जना ३.६१ GPA वा सो भन्दा माथी उत्कृष्ट नतिजा ल्याउने विद्यार्थीलाई नगद पुरस्कार सहित सम्मान गरिएको थियो।

साथै, यस वर्ष SEE मा सतप्रतिशत विद्यार्थी उत्तीर्ण गराउन सफल दुई विद्यालय (एक सामुदायिक र एक निजी विद्यालय)लाई पनि विशेष सम्मान प्रदान गरिएको थियो। नगरपालिकाले यस्तो कार्यक्रमले विद्यार्थीलाई अझ प्रेरित गर्ने विश्वास व्यक्त गर्दै भविष्यमा यस्ता सम्मानलाई थप विस्तार गरिने शिक्षा अधिकृत सुदिराज बुढाथोकीले बताउनु भयो।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |