१४ वर्षपछि आमाको अँगालोमा बेरिएकी छोरीको आँखामा न आँसु रोकिएको थियो न माया : स्वस्तिका केसी

काठमाडौँ 6 साउन , १७ वैशाख २०६८ । आफ्नी ६ वर्षीया अवोध छोरीलाई बीच बाटोमा छोडेर बाबु फरार हुन्छन् । ‘खानेकुरा ल्याइदिन्छु, तिमी यहीँ बस’ भनेर धुलिखेलको बीच बाटोमा छोरी छोडेर हिँडेका ती बाबु अहिलेसम्म फर्किएका छैनन् । बाबुले १४ वर्षअघि धुलिखेल नगरपालिका-७ मा अलपत्र छोडेर हिँडेकी बालिका स्वस्तिका केसी अहिले १८ वर्ष पुगेकी छिन् ।
नागरिकता बनाउनका लागि परिवार खोज्न स्वस्तिकालाई आश्रय दिएको सिद्धार्थ बालगृहका सञ्चालक सर्मिला श्रेष्ठले धेरै प्रयास गरिन् । तर सकिनन् । आफूले नसकेपछि श्रेष्ठले यो जिम्मेवारी सामाजिक अभियन्ता अर्जुन भुसाललाई सुम्पिइन् ।

भुसाल धुलिखेल नै आएर सामाजिक सञ्जालमा एउटा भिडियो सार्वजनिक गरे, जसले अप्रत्यासित परिणाम ल्यायो । भिडियो हेरेपछि स्वस्तिकाकी आमा मञ्जु केसी चितवनबाट सम्पर्कमा आइन् र १४ वर्षपछि आफ्नो छोरीलाई अँगालिन् । आमालाई पहिलोपटक देख्दा खुसी लागेको आमा खोज्दै चितवन पुगेकी स्वस्तिकाले ‘एकदम खुसी लाग्यो, नसोचेको भयो । मैले ममीसँग भेट्छु भनेर सोचेको पनि थिइनँ । भेट्दा खुसीको आँसु खस्यो,’ स्वस्तिकाले भनिन्, ‘अर्जुन सरले चितवन जानपर्ने भयो भन्नुभयो । त्यहाँ मेरो ममीसँग भेटाउन रहेछ । ममीसँग भेट्दा म त सक पनि भएँ ।’

१४ वर्षपछि आमाको अँगालोमा बेरिएकी छोरीको आँखामा न आँसु रोकिएको थियो न माया । ‘म सानै थिएँ, पहिलेका कुरा सम्झन त सक्दिनँ, तर ठूलो हुँदै गएपछि आफ्नो परिवारको बारेमा सधैं एउटै कुरा मनमा खेल्थ्यो- कहाँ होलान्, के गर्दै होलान् ।’ आफ्नी आमालाई भेटेपछि भने मनमा खुसी मिलेको उनको भनाइ छ ।

सामाजिक सञ्जालमा भिडियो हालेपछि स्वस्तिकाकी आमा मन्जु केसीले अर्जुन भुषाललाई छोरी भेटाइदिन भनेकी थिइन् । आमा र छोरीको भेट गराइदिन अर्जुनले सिद्धार्थ बालगृहका सञ्चालक श्रेष्ठ र स्वस्तिकालाई लिएर चितवन पुगेका थिए ।

‘आमा अर्को परिवार बनाएर बस्नुभएको रहेछ । तर छोरीको भिडियो हेरेपछि छोरीलाई भेट्न अनुरोध गर्नुभयो । उहाँसँग भेट गराउन स्वस्तिकालाई चितवन लिएर आएँ,’ अर्जुनले भने, ‘अब उनको बुबा खोज्ने क्रममा छौं ।’ धुलिखेल-७ मा बाबुले छाडेर गएपछि स्वस्तिकालाई धुलिखेलकै राधा माकजुले फेला पारिन् । एक वर्ष आफ्नो साथमा राखेर धुलिखेल इङ्गलिस बोर्डिङ स्कुलमा पढाइन् ।

तर, उनी धुलिखेलको बसाइ छाडेर अमेरिका जाने भइन् । त्यसपछि स्वस्तिकालाई शर्मिला श्रेष्ठले सञ्चालन गरेको सिद्धार्थ बालगृहमा राखियो । सिद्धार्थ बालगृहमा बसेर १० कक्षासम्म धुलिखेलकै सञ्जीवनी नमुना माध्यमिक विद्यालय र ११ र १२ कक्षा बनेपामा रहेको आदर्श विद्या मन्दिरमा अध्ययन गरिन् । किन छाडे स्वस्तिकालाई उनको बुबाले

स्वस्तिकाका आमा-बुबाको सम्बन्ध राम्रो भएन । निरन्तरको टर्चर सहन नसकेर उनकी आमाले घर छाडेर हिँडिन् । निरन्तरको टर्चर सहन नसकी आमा मञ्जुले घर छाडिन् र पछि अर्को विवाह गरिन्।

स्वस्तिकाका आमाको माइती थिएनन् । आमाले घर छाडेर हिँडेपछि बुबाले पनि अर्को विवाह गरे । अर्को विवाह गरेपछि बुबाले स्वस्तिकालाई हेर्ने दृष्टिकोण परिवर्तन गरे । आमाको माया नपाएकी स्वस्तिकालाई ६ वर्षको उमेरमा धुलिखेलमा छाडेर हिँडेका उनका बुबाको अहिलेसम्म अत्तोपत्तो छैन । आमासँग पुनर्मिलन भए पनि स्वस्तिका आफ्नो पिताको वास्तविकता बुझ्न चाहन्थिन् । त्यसपछि अभियन्ता अर्जुन स्वस्तिकाका बाबुको खोजिमा लागेका छन् ।

चितवनमा रहेका भुषालसँग भएको टेलिफोन संवादमा केही व्यक्तिहरूले स्वस्तिकाका बुबा केही समयअघिसम्म अमलेखगञ्जमा पेट्रोलियम पदार्थ बोक्ने ट्रकमा टोकन लगाउने काम गर्दै गरेको बताएपछि त्यहाँ भेटिन्छन् कि भनेर त्यहाँ जान लागेको बताए ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |

www.youtube.com