नगरप्रमुख तामाङको आतिथ्यतामा एक दिवसीय अभिमुखीकरण कार्यक्रम मेलम्चीमा सम्पन्न

काठमाण्डौ, ७ साउन । नगरप्रमुख तामाङको आतिथ्यतामा एक दिवसीय अभिमुखीकरण कार्यक्रम मेलम्चीमा सम्पन्न,नेपाल घरेलु तथा साना उद्योग महासंघ, सिन्धुपाल्चोकको आयोजनामा एक दिवसीय अभिमुखीकरण कार्यक्रम बुधबार मेलम्चीमा सम्पन्न भएको छ ।

मेलम्ची नगरपालिकाका नगर प्रमुख श्री आइतमान तामाङज्यूको प्रमुख आतिथ्यतामा सम्पन्न उक्त कार्यक्रममा आफ्नो धारण राख्नुहुँदै प्रमुख तामाङले साना तथा घरेलु उद्योगलाई स्थानीय अर्थतन्त्रको मेरुदण्डका रूपमा व्याख्या गर्नुभयो ।

स्थानीय स्रोत, सीप र श्रमको उपयोग गर्दै मेलम्चीलाई आर्थिक रूपमा आत्मनिर्भर बनाउन साना तथा घरेलु उद्योगहरूलाई विशेष प्राथमिकतामा राखेर उद्योगको प्रवर्द्धनका लागि आवश्यक नीति, सहकार्य र बजेट सुनिश्चित गर्दै आएको समेत बताउनु भयो ।

उहाँले आगामी दिनहरूमा पनि यस्ता कार्यक्रमलाई विस्तार गर्दै स्थानीय उत्पादनको व्यावसायिकिकरण, ब्राण्डिङ र बजारीकरणमा नगरपालिकाको सकृय संलग्नता रहने प्रतिबद्धता समेत व्यक्त गर्नु भयो। उपप्रमुख श्री उमा प्रधानज्यू, महासंघका पदाधिकारी सहित उद्योग क्षेत्रका प्रतिनिधिहरू तथा सरोकारवाला निकायका व्यक्तित्वहरुको उल्लेखनीय सहभागिता रहेको कार्यक्रममा महासंघका अध्यक्ष श्री रुद्र प्रसाद दुलालले साना तथा घरेलु उद्योगसम्बन्धी सरकारी नीति, अनुदान, सहुलियत ऋण, तालिम तथा व्यवसाय विस्तारका सम्भावनाहरूको बारेमा सुझाव दिनु भएको थियो।

उहाँले स्थानीय तह, संघसंस्था र निजी क्षेत्रबीचको समन्वयले मात्र उद्यमशीलता प्रवर्द्धन सम्भव हुने भएकोले स्थानीय सरकारको सहयोग अपरिहार्य रहेको बताउनु भयो । अध्यक्ष दुलालको अध्यक्षतामा सम्पन्न यस कार्यक्रममा नेपाल घरेलु तथा साना उद्योग महासंघ, सिन्धुपाल्चोकले आगामी दिनहरूमा मेलम्ची लगायतका अन्य स्थानीय तहहरूमा समेत यस्ता कार्यक्रमलाई निरन्तरता दिने जनाएको थियो।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |