वीरगञ्जका ३२ वटै वडामा चरम पानी संकट

वीरगञ्ज, साउन ११ –
वीरगञ्ज महानगरपालिकामा पानीको चरम अभाव भएपछि नेपाली सेना, स्थानीय सरकार र नेपाल खानेपानी संस्थानले संयुक्तरूपमा आपतकालीन पानी वितरण कार्य थालेका छन्। सहरका ३२ वटै वडामा खानेपानी आपूर्ति ठप्प भएपछि हजारौँ बासिन्दा पानीको एक घूँटको लागि संघर्षरत छन्।

अहिले वीरगञ्जका विभिन्न स्थानहरूमा ट्यांकरमार्फत पानी पुर्‍याइँदैछ। पानी नपाएर बातल बोकेर लाइन बस्नुपरेको अवस्थाले वीरगञ्जको स्थिति विकराल रहेको देखिएको छ।

वर्षौँदेखि समाधान नहुँदो समस्या अहिले विस्फोट

स्थानीय बासिन्दाका अनुसार यो समस्या आजको होइन। वर्षौँदेखि पाइपलाइन, मोटर जडान, ढल व्यवस्थापन र पानीको स्रोत व्यवस्थापनको अभावले गर्दा समस्या जटिल बन्दै गएको थियो। तर, अहिलेको अवस्था अत्यन्त भयावह बन्दै गएको स्थानीय टोल विकास समितिहरूले बताएका छन्।

> “वर्षायाममा पनि पानी छैन भने, हिउँदमा के होला?” – स्थानीय बासिन्दा शारदा देवी मण्डलले चिन्ता व्यक्त गरिन्।

सेना नै पानी बाँड्न लाग्नुपर्ने अवस्था

स्थिति नियन्त्रणबाहिर जान नदिन नेपाली सेनाको सहयोगमा हाल वीरगञ्जका विभिन्न स्थानमा पानी वितरण सुरु गरिएको छ। नेपाली सेनाको एक अधिकारीले भने,

> “हामी अत्यावश्यक आपूर्तिको सहयोगस्वरूप दिनमा दुई–तीनपटक ट्यांकरमार्फत पानी पु-र्याइरहेका छौँ।”

स्थानीय सरकार र खानेपानी संस्थानको चुप्पीमा प्रश्न

स्थानीयवासीहरू भने यति ठूलो संकट आउँदासमेत महानगर र खानेपानी संस्थानले समयमै समाधान नगरेको भन्दै आक्रोशित छन्। केही ठाउँमा ७–८ दिनदेखि धारामा पानी आएको छैन। ट्यांकर आएपछि भागाभाग र झगडासमेत हुने गरेको छ।

> “यो कसरी महानगर भयो, जहाँ मान्छेले ट्यांकरको पानीका लागि हानाहान गर्नुपर्छ?” – उपभोक्ता विकास समिति सदस्य रामबाबु पासवानको प्रश्न थियो।

जनस्वास्थ्यमा समेत असर

स्वच्छ पानी नपाएकाले बालबालिका र वृद्धवृद्धामा डायरिया, फुड प्वाइजनिङ लगायतका लक्षण देखा परेका छन्। अस्पतालमा बिरामीको चाप बढ्दै गएको वीरगञ्जको नारायणी अस्पतालले जनाएको छ।

सरकार र संघीय मन्त्रालय कहाँ छन्?

जनताको आधारभूत आवश्यकता पानी हो। यस्तो गम्भीर अवस्थामा संघीय सरकार तथा जलस्रोत मन्त्रालयले अझै कुनै दीर्घकालीन योजना नल्याएको भन्दै नागरिक समाजले पनि सरकारको ध्यानाकर्षण गराएको छ।

हजुर कता?

रमाईलो र मनोरञ्जन खोज्दै हुनुहुन्छ?
भिडियो, गीत–सङ्गीत र सकारात्मक उर्जाले भरिपूर्ण सामग्री हेर्न चाहनुहुन्छ भने Chiranjivi Bhandari YouTube च्यानल मा आजै जोडिनुहोस् ! 🎬🎶

मन छुने भिडियोहरू यहीं छन्:
Chiranjivi Bhandari YouTube Channel

सम्पूर्ण समाचार र रमाईलोका लागि:
CB Nepal फेसबुक पेज
रमाईलो कुरा फेसबुक पेज
CBNepal YouTube च्यानल

हामी तपाईंलाई मनोरञ्जनका साथसाथै पलपलको सूचना, समाचार र सामाजिक अपडेटहरू दिने निरन्तर प्रयासमा छौं।

आउनुहोस्, काँधमा काँध मिलाएर हातेमालो गरौँ।
Like, Share, Follow अनि Subscribe गर्न नबिर्सिनु होला है हजुर!

1. Na Jiuna Sake Na Marna Sake – Satya Raj Acharya & Chiranjivi Bhandari

2. Nai Nabhana – New Nepali Dancing Song 2024

3. Timi Sangai Huna – Love Song by Milan Newar & Chiranjivi Bhandari

4. Tum Dil Ki Dhadkan Mein – Unplugged Cover by Chiranjivi Bhandari (2019)

5. Bistarai Bistarai Timi Meri – Melina Rai & Chiranjivi Bhandari