जीवनमा सकारात्मक ऊर्जा भर्न शनिदेवको कृपा : शनिबार व्रत, पूजा र दानले बदलिन सक्छ भाग्य!

काठमाडौं – आज २०८२ साउन १७ गते, शनिबार। साउन शुक्ल नवमी तिथि। हिन्दू पंचाङ्ग अनुसार शनिको दिन, शनिदेवको विशेष पूजा आराधनाका लागि अति फलदायी मानिन्छ। ज्योतिष शास्त्रमा शनिदेवलाई कर्म, अनुशासन, न्याय र दण्डको देवता मानिन्छ। मान्यताअनुसार शनिदेवको प्रसन्नताले जीवनमा सकारात्मक ऊर्जा, शान्ति र प्रगति आउँछ भने उनको रुष्टता समस्याको कारण बन्न सक्छ।

आजको दिन शनिदेवको कृपा प्राप्त गर्न व्रत बस्ने, विशेष पूजा गर्ने, कालो तिल र तेलको दान गर्ने, तथा पिपल र शमीको वृक्षको पूजा गर्ने परम्परा छ। साथै शनिदेवको आराधनामा कालो वस्त्र धारण गर्ने, हनुमानको स्तुति गर्ने, र गरीबलाई जुत्ता-चप्पल तथा अन्नदान गर्नुले पनि पुण्य मिल्ने शास्त्रीय विश्वास छ।

शनिदेव सूर्यका पुत्र, यमराजका भाई, र यमुनाका दाजु हुन्। उनी कर्मको फल दिन्छन् – जसले धर्म, संयम र सच्चरित्रता अपनाउँछ, शनिदेवले उसको जीवनमा चमत्कारी परिवर्तन ल्याउने विश्वास गरिन्छ।

शनिदेवसँग हनुमानको विशेष सम्बन्ध रहेकोले शनिबारको दिन हनुमान चालीसा पाठ गर्न, बजरंग बलीको दर्शन गर्न र सर्सुको तेलको दीप जलाएर प्रार्थना गर्न अत्यन्त शुभ मानिन्छ। यसले शनिको अशुभ प्रभाव कम गरी सौभाग्य वृद्धि गराउने धार्मिक विश्वास पाइन्छ।

आजको दिन जीवनमा नयाँ ऊर्जा, शुद्ध विचार र सफलताको सुरुवातको दिन बनाउन शनिदेवको सच्चा भक्तिभावसाथ पूजा आराधना गर्नुहोस्। शनिको कृपा प्राप्त भयो भने जीवनका धेरै कठिनाइहरू सजिलै समाधान हुन सक्छन्।