नगरप्रमुख तामाङको प्रमुख आतिथ्यतामा,महिला आत्मनिर्भरता केन्द्र मेलम्चीको ३३ औं वार्षिक साधारण सभा सम्पन्न

मेलम्ची, २५ असोज । समता मूलक र आत्मनिर्भर समाज निर्माणको अभियानमा सक्रिय महिला आत्मनिर्भरता केन्द्र मेलम्चीको ३३औं वार्षिक साधारण सभा मेलम्ची नगर प्रमुख श्री आइतमान तामाङज्यूको प्रमुख आतिथ्यतामा सम्पन्न भएको छ।

सभाको अध्यक्षता केन्द्रकी अध्यक्ष श्री सन्च माया तामाङले गर्नुभएको कार्यक्रममा मेलम्ची नगरपालिका उपप्रमुख श्री उमा प्रधान, पूर्व उपप्रमुख श्री भगवती नेपाल, पाँचपोखरी थाङपाल गाउँपालिकाका उपाध्यक्ष श्री सुनिता अधिकारी, पूर्व संविधानसभा सदस्य श्री डोल्मा तामाङ, पूर्व प्रदेश मन्त्री श्री इन्द्र माया तामाङ, वडा नं. ११ का अध्यक्ष श्री चन्द्र बहादुर तामाङ, जिल्ला जनस्वास्थ्य कार्यालयका प्रमुख श्री दुर्गा बजगाई, शक्ति समूह नेपालका संस्थापक अध्यक्ष श्री चरी माया तामाङ लगायतका विशिष्ट अतिथिहरूको उपस्थितिले कार्यक्रमलाई विशेष बनाएको थियो।

कार्यक्रममा केन्द्रका आजीवन सदस्य ११३ सहित ४८ जना साधारण सदस्य सहित कुल १६१ जना को सहभागिता रहेको थियो। सभामा आर्थिक वर्ष २०८१/८२ को वार्षिक प्रगतिविवरण प्रस्तुत गरिएको र केन्द्रका आगामी योजनाबारे गहन छलफल गरिएको थियो।

सभाका वक्ताहरूले केन्द्रले विगत तीन दशकदेखि महिलाको सशक्तिकरण, आत्मनिर्भरता र समान अवसरमा आधारित समाज निर्माणका लागि पुर्याउँदै आएको योगदानको प्रशंसा गर्दै आगामी दिनमा अझ प्रभावकारी कार्यक्रम सञ्चालन गर्न सुझाव दिएका थिए।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |