सिँचाइ मन्त्री कृष्णकुमार तामाङ र मेलम्ची नगरप्रमुख आइतमान तामाङद्वारा तिपेनी भोताङ जोड्ने राजमार्गको अनुगमन

काठमाण्डौ, १६ कार्तिक । मेलम्ची–तिपेनी हुँदै भोताङ जोड्ने मुख्य राजमार्ग अन्तर्गत मकैबारी क्षेत्रमा निरन्तर आइरहेको पहिरोका कारण यातायात तथा जनजीवन प्रभावित भएपछि शनिबार बागमती प्रदेश सरकारका खानेपानी, ऊर्जा तथा सिँचाइ मन्त्री माननीय कृष्णकुमार तामाङ (समीर)ज्यूले स्थल अनुगमन गर्नुभयो।

अनुगमन टोलीमा मेलम्ची नगरपालिकाका नगरप्रमुख श्री आइतमान तामाङज्यू, पाँचपोखरी थाङपाल गाउँपालिकाका अध्यक्ष श्री टाँसी लामाज्यू र मेलम्ची नगरपालिका–९ का वडाध्यक्ष श्री किरणदीप खड्काज्यु पनि सहभागी हुनु भएको थियो ।

अनुगमनका क्रममा मन्त्री तामाङले मकैबारी पहिरो नियन्त्रणका लागि प्रदेश सरकारबाट तत्काल आवश्यक तारजाली उपलब्ध गराइने प्रतिबद्धता जनाउनुभयो । साथै,पहिरो नियन्त्रण कार्यमा लाग्ने जनशक्ति र बजेट व्यवस्थापनका लागि सम्बन्धित नगरपालिका र गाउँपालिकालाई सक्रिय सहयोग गर्न आग्रह गर्नुभयो।

मेलम्ची नगरप्रमुख तामाङले प्रदेश सरकारले आवश्यक तारजाली उपलब्ध गराएमा त्यसको सम्पूर्ण खर्च नगरपालिकाले व्यहोर्ने बताउनु भयो । त्यसैगरी, पाँचपोखरी थाङपाल गाउँपालिकाका अध्यक्ष लामाले पहिरोले जनजीवनमा परेको असरलाई मध्यनजर गर्दै प्रदेश सरकार र नगरपालिकालाई तत्काल पहिरो नियन्त्रणका लागि पहल गर्न अनुरोध गर्नु भयो ।
तस्बिर स्रोत:मानकाजी पाख्रिन ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |