नगरप्रमुख आइतमान तामाङको प्रमुख आतिथ्यमा, मेलम्चीको गुफाडाँडामा निःशुल्क स्वास्थ्य शिविर सम्पन्न

मेलम्ची १७ कार्तिक । मेलम्ची नगरपालिका वडा नं. ९ गुफाडाँडा स्थित श्री क्यौले ठाना आधारभूत विद्यालयमा नव आशा गृह क्लिनिकको सहयोग र मेलम्ची नगरपालिकाको समन्वयमा निःशुल्क स्वास्थ्य शिविर सम्पन्न भयो। नगरप्रमुख श्री आइतमान तामाङज्यूको प्रमुख आतिथ्यमा सम्पन्न शिविरमा २८७ जनाले स्वास्थ्य परीक्षण र उपचार सेवा प्राप्त गरेका छन ।

दुर्गमका बासिन्दा र विद्यार्थीका लागि यस्ता सेवा कार्यक्रमहरू समाजमा सकारात्मक ऊर्जा प्राप्त गर्ने भएको हुँदा नगरपालिका सधैं यस्ता जनमुखी सेवामा साथ रहने प्रमुख तामाङले प्रतिवद्वता जनाउनु भयो । डा. राजु खतिवडा र सजल तवनवासुको नेतृत्वमा सेवा प्रदान गरिएको उक्त शिविरमा वडा अध्यक्ष श्री किरणदीप खडका, स्वास्थ्य शाखा मेलम्चीका प्रमुख श्री परशुराम श्रेष्ठ लगायतको उपस्थिति रहेको थियो।

शिविरको उद्घाटन गर्दै नगरप्रमुख तामाङले स्वास्थ्य जस्तो संवेदनशील क्षेत्रमा निजी संस्था र समुदायबीचको सहकार्यले उत्कृष्ट उदाहरण प्रस्तुत गरेको उल्लेख गर्दै “नगरपालिकाले पुर्‍याउनुपर्ने दायित्वमा नव आशा गृह क्लिनिकजस्ता संस्थाहरूले हातेमालो गर्नुले समाजमा सकारात्मक ऊर्जा प्रवाह गरेको र दुर्गमका बासिन्दा, विद्यार्थी र कमजोर वर्गका नागरिकका लागि यस्ता स्वास्थ्य सेवा कार्यक्रमले ठुलो राहत पुर्‍याउने गरेको बताउनु भयो ।

उनले आगामी दिनमा पनि यस्ता सामाजिक उत्तरदायित्वका कार्यक्रमहरूलाई नगरपालिकाले प्राथमिकतामा राख्ने प्रतिबद्धता समेत जनाउनु भयो । शिविरमा विद्यालयका विद्यार्थी, शिक्षक, अभिभावक, वृद्धवृद्धा तथा स्थानीयवासी गरी २८७ जनाले निःशुल्क स्वास्थ्य सेवा प्राप्त गरेका थिए।

विद्यालय व्यवस्थापन समितिका अध्यक्ष पूर्ण बहादुर तामाङको अध्यक्षतामा सम्पन्न कार्यक्रममा वडा नं. ९ का वडाध्यक्ष किरणदीप खडका, मेलम्ची स्वास्थ्य शाखा प्रमुख परशुराम श्रेष्ठ, स्थानीय अभिभावक तथा समुदायका प्रतिनिधिहरूको उल्लेखनीय उपस्थिति रहेको थियो।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |