क्यौलेठाना आधारभूत विद्यालयका विद्यार्थीहरुको, प्रतिभाले सबैलाई आकर्षित बनायो

काठमाण्डौ, ७ मंगसिर । सिन्धुपाल्चाेककाे मेलम्ची नगरपालिका वडानम्बर ९ मा छ ज्यामिरे गाउँ, यहाँ रहेकाे क्यौलेठाना आधारभूत विद्यालयमा अहिले १०८ जना विद्यार्थी छन् । विसं. २०३३ सालमा स्थापना भएकाे याे विद्यालयमा अध्ययनरत विद्यार्थीहरु सबैजसाे प्रतिभावान छन् । काेही वक्तृत्वकला, काेही अध्ययन तथा काेही सीप सिक्न र सिकाउन निपूर्ण छन् ।

यहाँ बेलाबेलामा विभिन्न सीप सिकाउने तालिम पनि दिइन्छ । यसैक्रममा शनिबार यहाँका विद्यार्थीहरुलाई स्थानीय सामाग्री (निगालो) बाट डोका निर्माण कार्य सम्पन्न भएकाे छ । शिक्षक र विद्यार्थीहरुको संयुक्त प्रयासमा निगालोबाट डोका निर्माणकाे सीप सिकाइएकाे हाे ।

विद्यालयमा गठित शिक्षक अभिभावक संघका सदस्य आइसिहं तामाङको प्रतिनिधित्वमा स्थानीयस्तरमा प्राप्त सामाग्रीबाट बन्ने सामाग्रीहरु मध्ये डोका निर्माण गरिएकाे हाे । यही अवसरमा मकैकाे खोस्टाबाट चकटी बनाउने सीपसमेत सिकाइएकाे सदस्य तामाङले बताउनु भयो।

निगालाेकाे राम्राे उत्पादन हुने यस भेगमा यस्ताे सीप सिक्न सके यसले व्यवहारिक जीवनमा निकै सहयाेग पुग्ने भएकाले डोका बुन्ने सीप सिकाइएकाे विद्यालयका प्रधानाध्यापक भरतकुमार मल्लले बताउनुभयाे । यस प्रकारकाे सीप सिक्न विद्यार्थीहरुले निकै रुची देखाएका उहाँकाे भनाइ छ ।

प्रत्येक शुक्रबार बुक फ्री फ्राइडे कार्यक्रम सञ्चालन गरेकाे र सोही कार्यक्रम अनुसार यस हप्ता व्यवहारिक सीप अन्तर्गत डोको, चकटी निर्माण गरिएकाे उहाँले जानकारी दिनुभयाे ।
विद्यार्थीलाई किताबी ज्ञान मात्र नभएर व्यवहारिक ज्ञान पनि उत्तिकै महत्त्वपूर्ण हुने भएकाले यो वर्षदेखि बुक फ्री फ्राइडे अन्तर्गत व्यवहारिक ज्ञानलाई पनि जोडिएकाे उहाँकाे भनाइ छ ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |