मेलम्चीको सहकार्यमा रेबिज रोग व्यवस्थापनसम्बन्धी दुईदिने तालिम सम्पन्न

काठमाण्डौ, २१ मंगसिर । सिन्धुपाल्चोक — बागमती प्रदेश सरकार स्वास्थ्य मन्त्रालयअन्तर्गत स्वास्थ्य निर्देशनालय तथा जनस्वास्थ्य कार्यालय चौताराको आयोजनामा, फेयरमेड नेपाल र महिला आत्मनिर्भरता केन्द्र मेलम्चीको सहकार्यमा रेबिज रोग व्यवस्थापनसम्बन्धी दुईदिने तालिम मेलम्चीमा सुरु भएको छ।

मेलम्ची रिभरसाइड इनमा आयोजित उद्घाटन कार्यक्रममा नगरप्रमुख आइतमान तामाङले रेबिज नियन्त्रणलाई नगरपालिका स्तरमै प्राथमिकताका रूपमा लिनुपर्ने आवश्यकता औंल्याउँदै स्वास्थ्यकर्मीको दक्षता नै प्रभावकारी उपचार र जनचेतना विस्तारको आधार हुने बताउनुभयो। उहाँले मेलम्चीमा प्रत्येक वर्ष करिब ५०० जनाले कुकुरको टोकाइका कारण जोखिम सामना गर्नुपरेको तथ्यसँगै नगरलाई रेबिज उच्च जोखिम क्षेत्रमा परेका कारण अझ सशक्त तयारी जरुरी रहेको उल्लेख गर्नुभयो।

नगरप्रमुख तामाङले कुकुर व्यवस्थापन, खोप अभियान विस्तार, विद्यालय तथा समुदायस्तरका सचेतना कार्यक्रम, र उपचार सेवाको पहुँच तथा गुणस्तर सुधारमा नगरपालिका निरन्तर सहयोगी भूमिका रहने आश्वासन समेत व्यक्त गर्नुभयो।

दुई दिनसम्म चल्ने यस तालिममा मेलम्ची तथा आसपासका स्वास्थ्य संस्थाका स्वास्थ्यकर्मी सहभागी रहेका तालिममा रेबिज संक्रमणका प्रमुख स्रोत, जोखिम मूल्याङ्कन, PEP (पोस्ट एक्सपोजर प्रोफिल्याक्सिस) को सही प्रयोग, खोप तथा केस व्यवस्थापन, र समुदायस्तरमा रोकथाम तथा नियन्त्रणका व्यावहारिक उपायबारे प्रशिक्षण प्रदान गरिने आयोजकले जनाएको छ।

आयोजक तथा सहयोगी संस्थाहरूले स्थानीय तहसँग समन्वय गर्दै मेलम्चीलाई रेबिज जोखिममुक्त क्षेत्र बनाउन निरन्तर प्रयास जारी रहने प्रतिवद्धता व्यक्त गरेका छन्। मेलम्चीको सहकार्यमा रेबिज रोग व्यवस्थापनसम्बन्धी दुईदिने तालिम सम्पन्न ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |

आउनुहोस बिहान होस् या सांझ, गायक संगीतकार chiranjivi bhandari को राधाकृष्ण, शिव सुमधुर भक्ति भजनहरु सुनौ, भिडियो हेरौं मनलाई तथा घरलाई भगवानको भजनद्वारा गुन्जायमान बनाउँ ।