रा.स्व.पा. पार्टीका सभापतिमा लामिछाने नै रहने र बालेनलाई प्रधानमन्त्रीको उम्मेदवार बनाउने सहमति

काठमाण्डौ, १३ पुष ।राष्ट्रिय स्वतन्त्र पार्टीका सभापतिमा रबि लामिछाने नै रहने र बालेन शाहलाई प्रधानमन्त्रीको उम्मेदवार बनाउने सहमति भएको छ!आन्दोलनप्रति प्रतिबद्धता: भ्रष्टाचार र कुशासनविरुद्धको युवा आन्दोलनको अपनत्व लिँदै घाइते तथा शहिद परिवारका मागको उचित सम्बोधन गर्ने।

राष्ट्रिय रूपान्तरण लक्ष्य: गहिरा नीतिगत, संस्थागत र संरचनात्मक सुधारमार्फत १० वर्षभित्र नेपाललाई सम्मानजनक मध्यम-आय राष्ट्र बनाउने मार्गचित्र इमान्दारीपूर्वक कार्यान्वयन गर्ने। दलको पहिचान: एकतापछि दलको नाम राष्ट्रिय स्वतन्त्र पार्टी, झण्डा निलो पृष्ठभूमिमा सेतो घेराभित्र निलो घण्टी, चुनाव चिन्ह ‘घण्टी’, केन्द्रीय कार्यालय काठमाडौं उपत्यकामा।

नेतृत्व व्यवस्था: पार्टी सभापति रवि लामिछाने, प्रतिनिधिसभा निर्वाचनपछि संसदीय दलका नेता तथा भावी प्रधानमन्त्रीका उम्मेदवार बालेन्द्र शाह। संगठन सुदृढीकरण: युवा अभियन्ता र अनुभवी विज्ञलाई योग्यता, समावेशिता र सार्वजनिक छविका आधारमा जिम्मेवारी प्रदान गर्ने।

कानुनी अद्यावधिक: आमनिर्वाचनपछि पार्टीसम्बन्धी दस्तावेज निर्वाचन आयोगमा अद्यावधिक गर्ने। विस्तार र सहकार्य: लोकतान्त्रिक सुशासन, समुन्नति र सामाजिक न्यायका मुद्दामा अन्य परिवर्तनकामी शक्ति, समूह र व्यक्तिलाई एकतामा आव्हान गर्ने।