सर्लाही क्षेत्र नम्बर ४ मा (रास्वपा) का उम्मेदवार अमरेश कुमार सिंहको अग्रता

काठमाण्डौ २२ फाल्गुन । सर्लाही क्षेत्र नम्बर ४ को प्रारम्भिक मतगणनामा राष्ट्रिय स्वतन्त्र पार्टी (रास्वपा) का उम्मेदवार अमरेश कुमार सिंहले अग्रता लिएका छन्। पछिल्लो मत परिणाम अनुसार सिंहले ९७६ मत प्राप्त गर्दै शीर्ष स्थान ओगटेका छन्।

उनका निकटतम प्रतिस्पर्धी नेपाली काँग्रेसका सभापति गगन थापा ७४४ मतका साथ दोस्रो स्थानमा छन्। सिंह र थापाबीच २३२ मतको अन्तर रहेको छ। यस्तै, जनमत पार्टीका उम्मेदवार ५११ मतका साथ तेस्रो र नेकपा एमालेका उम्मेदवार १९५ मतका साथ चौथो स्थानमा छन्।

हाल अमरेशकुमार सिंहको बसोबास रहेको बलरा नगरपालिकाबाट मतगणना भइरहेकाले उनले सुरुवाती अग्रता लिएका हुन्। यस क्षेत्रमा मतगणना कार्य जारी छ र दुई हेभीवेट उम्मेदवारबीचको प्रतिस्पर्धालाई निकै चासोका साथ हेरिएको छ।