पश्चिम नेपालमा मनसुनको ताण्डव : दाङ, बाँके र बर्दियामा अति भारी वर्षा, आकस्मिक बाढीको जोखिम

काठमाडौं, साउन २० — पछिल्लो १२ घण्टामा पश्चिम नेपालको दाङ, बाँके र बर्दिया जिल्लामा अति भारी वर्षा भएको छ । जल तथा मौसम विज्ञान विभागको पछिल्लो विवरण अनुसार यी क्षेत्रहरूमा अत्यधिक वर्षा मापन गरिएको छ, जसले बाढी, डुबान र भू-स्खलनको जोखिम बढाएको छ ।

दाङको जलकुण्डी वर्षा मापन केन्द्रमा एकैदिन २२७ मिलिमिटर वर्षा मापन गरिएको छ, जुन देशभरकै सर्वाधिक हो । बाँकेको सिक्टामा २०० मिलिमिटर र बर्दियाको मानपुरमा १६७ मिलिमिटर वर्षा मापन गरिएको मौसम विभागले जनाएको छ ।

एक घण्टामै २५ मिमी वर्षा, सतर्कता अपनाउन आग्रह

दाङमा पछिल्लो एक घण्टामै २५ मिलिमिटरभन्दा बढी पानी परेको छ । लगातारको भारी वर्षाले स्थानीय खोलानालामा आकस्मिक बाढीको सम्भावना बढेको जल तथा मौसम विज्ञान विभागले जनाएको छ ।

विभागअन्तर्गतको मौसम पूर्वानुमान महाशाखाका मौसमविद् हरिप्रसाद दाहालका अनुसार, मनसुन सक्रिय रहेकोले आज दिउँसो र रातिसम्म पश्चिम नेपालका धेरै स्थानहरूमा भारी वर्षा जारी रहनेछ । “हालको प्रणाली सानो भए पनि प्रभावशाली छ,” दाहालले भने, “लुम्बिनी, कर्णाली र सुदूरपश्चिम प्रदेशमा अझै धेरै वर्षाको सम्भावना छ ।”

मनसुन अझै केही दिन सक्रिय रहने

हाल देशभर मनसुन सक्रिय रहेको र न्यून चापीय रेखा नेपालकै तराई क्षेत्रमा अवस्थित रहेको विभागले जनाएको छ । लुम्बिनी, कर्णाली, सुदूरपश्चिम, मधेस, गण्डकी, कोशी र बागमती प्रदेशका धेरै स्थानमा वर्षा भइरहेको छ ।

पछिल्लो ६ घण्टामा तुलसीपुर, अम्बापुर, जलकुण्डी, पश्चिम राप्ती, सिक्टा, र मानपुरलगायत क्षेत्रहरूमा भारी वर्षा भएको छ । यी क्षेत्रबाट बहने बबई, पश्चिम राप्ती नदी, डुडुवा खोलालगायत साना नदी-खोलामा आकस्मिक बाढी आउनसक्ने भन्दै विभागले सतर्क रहन आग्रह गरेको छ ।

बाढी पूर्वानुमान महाशाखाको चेतावनी

बाढी पूर्वानुमान महाशाखाले अति प्रभावित क्षेत्रहरूमा आकस्मिक बाढी, डुबान र होचा भूभागमा जलजमावको जोखिम उच्च रहेको भन्दै स्थानीय बासिन्दालाई सतर्क रहन आग्रह गरेको छ । विशेष गरी पश्चिम नेपालको तराई र भित्री मधेस क्षेत्रमा जोखिम धेरै रहेकाले स्थानीय प्रशासन र नागरिक सुरक्षा निकायहरूलाई पनि सचेत गराइएको छ ।

नदी किनार र होचा भूभागमा विशेष सावधानी अपनाउन आग्रह

महाशाखाले बबई, डुडुवा, पश्चिम राप्ती, राप्ती नदी तथा तिनका सहायक खोलाहरूमा जलस्तर बढ्न सक्ने भएकाले नदी आसपासका बासिन्दाहरूलाई आवश्यक सुरक्षात्मक उपायहरू अपनाउन सुझाव दिएको छ ।

रमाईलो र मनोरञ्जन खोज्दै हुनुहुन्छ?
भिडियो, गीत–सङ्गीत र सकारात्मक उर्जाले भरिपूर्ण सामग्री हेर्न चाहनुहुन्छ भने Chiranjivi Bhandari YouTube च्यानल मा आजै जोडिनुहोस् !

मन छुने भिडियोहरू यहीं छन्:
Chiranjivi Bhandari YouTube Channel

सम्पूर्ण समाचार र रमाईलोका लागि:
CB Nepal फेसबुक पेज
रमाईलो कुरा फेसबुक पेज
CBNepal YouTube च्यानल

हामी तपाईंलाई मनोरञ्जनका साथसाथै पलपलको सूचना, समाचार र सामाजिक अपडेटहरू दिने निरन्तर प्रयासमा छौं।

आउनुहोस्, काँधमा काँध मिलाएर हातेमालो गरौँ।
Like, Share, Follow अनि Subscribe गर्न नबिर्सिनु होला है हजुर!

1. Na Jiuna Sake Na Marna Sake – Satya Raj Acharya & Chiranjivi Bhandari

2. Nai Nabhana – New Nepali Dancing Song 2024

3. Timi Sangai Huna – Love Song by Milan Newar & Chiranjivi Bhandari

4. Tum Dil Ki Dhadkan Mein – Unplugged Cover by Chiranjivi Bhandari (2019)

5. Bistarai Bistarai Timi Meri – Melina Rai & Chiranjivi Bhandari