मेलम्ची नगरपालिकामा आर्थिक वर्ष २०८२/८३ मा सञ्चालित स्वास्थ्य कार्यक्रमको वार्षिक समीक्षा सम्पन्न

काठमाण्डौ, ६ असोज । मेलम्ची नगरपालिकामा आर्थिक वर्ष २०८२/८३ मा सञ्चालित स्वास्थ्य कार्यक्रमको वार्षिक समीक्षा सम्पन्न भएको छ । स्वास्थ्य शाखाको आयोजनामा बिहीबार र शुक्रबार भएको समीक्षामा नगरपालिकासहित १३ वटै वडाका स्वास्थ्य संस्था तथा गैरसरकारी संस्थाले गरेका काम, उपलब्धि, समस्या, चुनौती र नवीनतम गतिविधिबारे समीक्षा गरिएको थियो ।

नगरप्रमुख आइतमान तामाङले स्वास्थ्य क्षेत्रलाई नगरपालिकाले प्राथमिकतामा राखेको बताउँदै समृद्ध नगर निर्माणमा स्वास्थ्यकर्मीको भूमिका महत्वपूर्ण रहेको उल्लेख गर्नुभयो ।
जनस्वास्थ्य कार्यालय सिन्धुपाल्चोकका प्रमुख दुर्गा बजगाईंले नसर्ने रोग,मानसिक स्वास्थ्य र पोषणका क्षेत्रमा थप प्राथमिकताका साथ काम गर्न सुझाव दिनुभयो।

निजी स्वास्थ्य संस्थालाई कानुनी दायरामा राख्न अनुगमनलाई तीव्र बनाइएको उहाँले बताउनुभयो । समीक्षामा प्रमुख प्रशासकीय अधिकृत अनुषा कोइराला सहित नगरपालिका कर्मचारी तथा स्वास्थ्यकर्मीको सहभागिता थियो ।