बुधबार देख्ने बित्तिकै भगवान राधामाधावको दर्शन गरि आजको राशिफल हेर्नुहोस : यी राशिको भाग्य यस्तो

काठमाण्डौ २२ असोज | आज बुधबार देख्ने बित्तिकै भगवान राधामाधावको दर्शन गरि आजको राशिफल हेर्नुहोस र दिनको सुरुवात गर्नुहोस, शुभफल प्राप्त हुनेछ आज यी राशिको भाग्य चम्किनेछ, हेर्नुहोस पुराराशिफल, ।

मेष राशि (चु, चे, चो, ला, लि, लु, ले, लो, अ): आजको दिन भाग्यले नसोचेको फाइदा दिलाउन सक्छ । चुनौतीहरू स्वतः हट्नेछन् भने कर्मयोग र आम्दानीले पछ्याउनेछन् । व्यस्तता केही बढेको महसूस भएपनि नियमित कार्यमा साथ दिनेहरूको कमी नहोला । परम्परालाई समयसापेक्ष परिवर्तन गर्न सकिनेछ । मान– प्रतिष्ठा पाइनेछ । फाइदाका लागि आफ्ना योजनाहरू गोप्य राख्न आवश्यक देखिन्छ । नयाँ आयस्रोतको माध्यम प्राप्त हुने योग छ ।

बृष राशि (इ, उ, ए, ओ, बा, बि, बु, बे, बो): मिश्रित फलदायी समय छ । प्रयत्न गरेको काम छोटै समयमा पूरा हुनाले दिन फुर्सदिलो बनेको अनुभूति होला । इच्छाशक्ति बढ्नेछ भने नवीन रचनात्मक कार्य शुभारम्भ गर्न सकिनेछ । स्वास्थ्य केही प्रतिकुल रहने देखिन्छ, तथापि नियमित कार्य हिम्मतका साथ सम्पन्न हुनेछन् । लेनदेनको विवादले अप्ठ्यारो पर्नसक्ने योग रहेकोले आर्थिक व्यवहारमा विशेष सावधानी अपनाउनु उचित हुनेछ । पढाइलेखाइमा पनि खासै समय दिन नसकिएला । पुराना समस्या दोहोरिन सक्छन्, स्जग रहनुहोला ।

मीथुन राशि (का, कि, कु, घ, ङ, छ, के, को, ह): आजको दिन केही अप्ठ्यारा परिस्थितिसँग सम्झौता गर्नुपर्दा मन खिन्न रहन सक्छ, तापनि समुदायको हक हितको संरक्षण गर्दै धेरैको भलाइ हुने काम गर्न सकिने समय छ । नियमित काममा केही अड्चन आइर्पुका साथै व्यवसायिक कार्यमा पनि कममात्र फाइदा हुने देखिन्छ । सहयोगीहरूले हात झिक्नाले अलिक अप्ठ्यारोमा परिएको महसूस होला । पशुधन र जमिनबाट सामान्य लाभ उठाउन सकिनेछ । मातृ-सहयोगको माध्यमबाट काम बन्नसक्ने योग छ । यात्रागत कार्यमा सफलता मिल्नेछ ।

कर्कट राशि (हि, हु, हे, हो, डा, डि, डु, डे, डो): रोकिएका काम बन्ने र नयाँ काम सुरु गर्ने समय छ । विभिन्न भौतिक साधन जुट्नुका साथै सहयोगीहरूले पनि राम्रो साथ दिनेछन् । मेहनत गर्दा राम्रै प्रतिफल प्राप्त हुने देखिन्छ । कतै आतिथ्यपूर्ण सम्मान पाइएला । जीवनशैलीमा परिवर्तन आउनुका साथै धेरैको मन लोभ्याउन सकिने योग छ । विशेष काममा मातापिताको सहयोग प्राप्त होला । मित्रजनका साथ रमाइलो यात्रा एवम् मिठो भोजन प्राप्त हुने योग छ । कर्मबल बढ्नेछ । रसरागमा आकर्षण रहला ।

सिंह राशि (मा, मि, मु, मे, मो, टा, टि, टु, टे): दिन उत्साहपूर्ण रहला । सुखद समाचार सुन्न पाइनेछ । उद्योग र व्यापारमा विशेष फाइदा हुनेछ । स्वास्थ्य सबल रहनेछ भने प्रतिस्पर्धीलाई सजिलै हराउन सकिएला । नियमित काममा पनि फाइदाको योग छ । विगतको सफलताले थप काम गर्न हौसला मिल्नेछ । प्रेमभावका साथ दाम्पत्यसुख बढ्नेछ । पारिवारिक सुख शान्तिका साथ विशेष योजनमा सफलतमा मिल्नेछ ।

कन्या राशि (टो, प, पि, पु, ष, ण, ठ, पे, पो): गरिएका कर्मको उचित प्रतिफल पाइनेछ । कृषिमा कामको चाप र चौपायामा केही समस्या देखिए पनि प्रशस्त धन आर्जन हुने समय छ । व्यावसायिक यात्राको सम्भावना रहेको छ । दाम्पत्य जीवन रमाइलो रहला । साझेदारीमा केही समस्या देखापरे पनि आम्दानी बढ्ने योग छ । विपरीतलिंगी मित्रको साथले साहस वृद्धि हुने देखिन्छ । यात्रागत कार्यमा सफलता मिल्नेछ । कार्यगति बढ्नेछ ।

तुला राशि (र, रि, रु, रे, रो, ता, ति, तु, ते): प्रियजनसँगको भेटघाटले दिन रमाइलो बनाउनेछ, तर परिस्थितिले अप्ठ्यारा चुनौतीहरूसँग सम्झौता गराउन सक्ने समय छ । कसैलाई बेसुरमा वचन दिँदा पछि आफैलाई झमेलाको अनुभूति हुनसक्छ, ख्याल राख्नुहोला । नजिकका साथीभाइ टाढिन सक्ने येग छ । कुनै विशेष वा महत्वाकांक्षी योजना अघि बढाउने सोचमा हुनुहुन्छ भने गोप्य ढङ्गले अघि बढ्न सकिनेछ । व्यापार–व्यवसायबाट विशेष लाभ लिन सकिनेछ । आरोग्यबल बढ्नेछ ।

वृश्चिक राशि (तो, ना, नि, नु, ने, नो, या, यि, यु): ठीक समयमा सही निर्णय लिन सकिने समय छ । आश मारेको काममा आएको पुनर्ताजगीले उत्साह जगाउला । मनमा केही डर लागे पनि विभिन्न अवसरले पछ्याउनेछन् । बोलीको प्रभाव पनि बढ्नेछ । तत्काल लाभ नभए पनि दीगो फाइदा हुनसक्ने विभिन्न सकारात्मक संकेतहरू प्राप्त हुनेछन् । परिवारजन तथा बन्धु-बान्धवबीच आत्मीय भाव बढ्नेछ । रोकिएको काम मिहेनतले बन्नेछ । सुख सुविधाको वस्तमा केही खर्च बढ्न सक्छ ।

धनु राशि (ये, यो, भ, भि, भु, ध, फा, ढ, भे): प्रयत्न गर्दा सहयोगीका माध्यमबाट फाइदा उठाउन सकिने समय छ । गोपनीयतामा विशेष ध्यान दिनु उचित होला । कार्यसम्पादन गर्ने क्षमता बढ्नेछ । तापनि, केही अवसर फुत्कन सक्छन्, सचेत रहनुहोला । मित्रजनका साथ मिठो भोजन प्राप्त हुनेछ । गीतसंगीत र मनोरञ्जनात्मक क्रियाकलापमा आकर्षण बढ्नेछ । दैनन्दिन कार्य सामान्य रहनेछ ।

मकर राशि (भो, ज, जि, खि, खु, खे, खो, गा, गि): गल्तीबिनै आरोप लाग्नसक्ने समय भएपनि नियमकानूनले साथ दिनाले परिणाम तपाईंको पक्षमा रहनेछ । परिवारजनसँग आत्मीयता बढ्नेछ भने प्रेम र मित्रताको बन्धन कसिएर जाला । स्वादिष्ट भोजनको आनन्द मिल्नेछ । आफ्ना विषयवस्तुमा अरूले अधिकार जमाउन सक्छन् । तर, शत्रुलाई जित्ने सामर्थ्य रहनेछ । यात्रागत कार्यमा सफलता प्राप्त हुनेछ ।

कुम्भ राशि (गु, गे, गो, सा, सि, सु, से, सो, द): धोकाधडी, ठगी या चोरीमा परिने समय छ । आजको दिन आर्थिक कारोबार गर्दा निकै नै सजगता अपनाउनु हितकर होला । आरोग्यबल भने बढ्नेछ । अरूको फाइदाका लागि उपयोग भइने सम्भावना छ । महत्वपूर्ण योजना कार्यान्वयन गर्दै हुनुहुन्छ भने परिस्थिति अलिक प्रतिकूल रहन सक्छ, ध्यान राख्नुहोला । काम बिग्रने त्रास रहनुका साथै थिचोमिचो गर्नेहरूले सताउन सक्छन् । बौद्धिक र रचनात्मक कार्यमा आंशिक सफलता मिल्नेछ ।

मिन राशि (दि, दु, थ, झ, ञ, दे, दो, च, चि): दीर्घकालीन रूपमा फाइदा हुने काममा हात हाल्ने समय छ । लगनशीलताले कीर्तिमानी दिलाउन सक्छ । तार्किक क्षमता बढ्नुका साथै लेखन प्रकाशनसित सम्बन्धित काममा विशेष सफलता मिल्नेछ । सभा–समारोहमा भाग लिने मौका प्राप्त होला । आजको दिन विभिन्न अवसर जुटे पनि अरूलाई जथाभावी वचन दिने बानीले सास्ती दिनसक्ने योग छ । खर्च केही वृद्धि हुने देखिन्छ ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |