आजको राशिफल : २०८२ भदौ १२ गते बिहीवार, २८ अगस्ट २०२५

उपप्रा. लक्ष्मीप्रसाद बराल (फलितज्योतिषाचार्य)

आज भाद्र शुक्लपक्षको पञ्चमी तिथि (१५:५४ बजेपछि षष्ठी), चित्रा नक्षत्र (८:१५ बजेपछि स्वाती), चन्द्रराशि तुला।

आजको दिनले कतिपय राशिलाई नयाँ अवसर, खुशी र सफलता ल्याउनेछ भने केही राशिले चुनौती, खर्च र असमझदारी सामना गर्नुपर्नेछ। प्रेम, व्यापार, परिवार र स्वास्थ्य सम्बन्धी अवस्थाले मिश्रित नतिजा दिनेछन्।

मेष (Aries) – चु, चे, चो, ला, लि, लु, ले, लो, अ
प्रियजनसँगको भेटघाटले मन प्रफुल्लित हुनेछ। घुमफिर र मनोरञ्जनका लागि राम्रो समय छ। साथीभाइको सहयोग प्राप्त हुनेछ भने टाढिएका मित्रहरू नजिकिन सक्छन्। आम्दानी बढ्ने सम्भावना छ। व्यवसायिक यात्राले लाभ दिलाउनेछ।

वृष (Taurus) – इ, उ, ए, ओ, बा, बि, बु, बे, बो
मिहिनेत गर्नेहरूको पक्षमा समय छ। प्रतिस्पर्धामा विजय प्राप्त हुनेछ। अरूको ईर्ष्या र द्वेष हराउँदै जानेछ। स्वास्थ्य बलियो रहन्छ भने व्यापार र आर्थिक लाभमा वृद्धि हुनेछ। आत्मविश्वासले कामलाई सफल बनाउन सहयोग पुर्‍याउनेछ।

मिथुन (Gemini) – का, कि, कु, घ, ङ, छ, के, को, ह
सम्झौता गर्नुपर्ने भए पनि दीर्घकालीन लाभ हुनेछ। अध्ययन र बौद्धिक प्रतिस्पर्धामा सफलता पाइनेछ। लगनशीलताले परिस्थिति बदल्नेछ। मेहनतले नयाँ फाइदाका स्रोत पहिल्याउन सकिनेछ।

कर्कट (Cancer) – हि, हु, हे, हो, डा, डि, डु, डे, डो
कामको अवसर आए पनि तत्काल नतिजा हात नपर्न सक्छ। अरूले दिएको आश्वासनमा भरोसा नगर्नुहोस्। साथीभाइसँग असमझदारी बढ्न सक्छ। अरूको भर नपरी आफ्नै प्रयासमा काम गर्नुपर्छ।

सिंह (Leo) – मा, मि, मु, मे, मो, टा, टि, टु, टे
योजना बनाएर अघि बढ्दा ठूलो फाइदा हुनेछ। प्रतिस्पर्धामा अरूलाई पछि पार्ने अवसर छ। व्यापारमा धनलाभ हुनेछ। सेवामूलक काम र सहयोगी साथीहरूको कारण सामाजिक प्रतिष्ठा बढ्नेछ।

कन्या (Virgo) – टो, प, पि, पु, ष, ण, ठ, पे, पो
आत्तिने बानीले समस्या बढाउन सक्छ। खर्च बढ्ने सम्भावना छ। दिइएको वचन पूरा गर्न नसक्दा आलोचना हुन सक्छ। बुद्धि र धैर्य प्रयोग गरे भने परिस्थिति सुधारिनेछ। शुभचिन्तकहरूको सहयोग पाइनेछ।

तुला (Libra) – र, रि, रु, रे, रो, ता, ति, तु, ते
परिवारसँग भेटघाट, रमाइलो जमघट र स्वादिष्ट भोजनको अवसर प्राप्त हुनेछ। नयाँ कामको प्रस्ताव आउनेछ। पहिरन र उपहारले मन प्रसन्न हुनेछ। रचनात्मक कामले धन आर्जन गर्ने सम्भावना छ।

वृश्चिक (Scorpio) – तो, ना, नि, नु, ने, नो, या, यि, यु
अवसरका लागि बढी दौडधुप गर्नुपर्नेछ। आकस्मिक खर्चले अर्थ संकट ल्याउन सक्छ। अरूको दबाबमा अप्रिय काम गर्नुपर्ने हुन सक्छ। अध्ययनमा पछि परिने सम्भावना छ। तर, यात्राको सम्भावना प्रबल छ।

धनु (Sagittarius) – ये, यो, भ, भि, भु, ध, फा, ढ, भे
आयस्रोत बढ्नेछ। सानो कामले पनि राम्रो आम्दानी दिनेछ। व्यापारमा फड्को मार्ने समय हो। रोकिएका काम बन्नेछन्। उद्योग र व्यापारमा फाइदा प्राप्त हुनेछ। जिम्मेवारी बढ्ने सम्भावना छ।

मकर (Capricorn) – भो, ज, जि, खि, खु, खे, खो, गा, गि
सामाजिक र प्रतिष्ठित कामबाट मान्यता पाइनेछ। भूमि, घर–जग्गा र सवारी–साधन सम्बन्धी लाभ मिल्नेछ। विशिष्ट व्यक्तिहरूको सहयोग पाइने सम्भावना छ। जीवनशैलीमा सकारात्मक परिवर्तन हुनेछ।

कुम्भ (Aquarius) – गु, गे, गो, सा, सि, सु, से, सो, द
स्वास्थ्य अलि कमजोर भए पनि सामाजिक, धार्मिक र परोपकारी काममा लाग्ने अवसर प्राप्त हुनेछ। मिहिनेतले जीवनशैलीमा सुधार ल्याउनेछ। दाम, इनाम र प्रतिष्ठा कमाउने मौका छ।

मीन (Pisces) – दि, दु, थ, झ, ञ, दे, दो, च, चि
चुनौतीलाई अवसरमा बदल्ने समय हो। काम दोहोर्याउनुपर्ने हुनसक्छ। शारीरिक कमजोरीले सताउन सक्छ। अध्ययन र नयाँ ज्ञान खोज्ने अवसर मिल्नेछ। लगनशीलता र धैर्य आवश्यक छ।

नोट: राशिफल सामान्य मार्गदर्शन मात्र हो। विश्वास र आत्मविश्वासका साथ अघि बढेमा सफलता अवश्य पाइनेछ।