गीतकार/ साहित्यकार कमला न्यौपानेको ‘माइती नगई तीजै आएन’ नयाँ तीज गीत सार्वजनिक : भिडियो सहित

काठमाण्डौ १० भाद्र । नेपाली महिलाहरूको महान् पर्व हरितालिका तीज नजिकिंदै गर्दा नेपाली गीत संगीत बजारमा धमाधम तीज गीत सार्वजनिक भैरहेका छन्,त्यसैक्रममा गीतकार गीतकार साहित्यकार कमला न्यौपानेको शब्द रचनामा ‘माइती नगई तीजै आएन’ नयाँ तीज गीत, सार्वजनिक गरिएको छ। सार्वजनिक गरे लगत्तै उक्त गीतको भिडियो YouTube मा उत्साहजनक सुरुवात गरेको छ।

गङ्गा सोनाम,सज्जा चौलागाईं,सलिना बिश्वोकर्माको संयुक्त स्वर रहेको गीतमा,गीतकार सातित्यकार कमला न्यौपानेको शब्द, न्ह्यू बज्राचार्यको संगीत,गोपाल रसाईलीको संगीत संयोजन रहेको छ भने,गीतको मिक्सिङ तथा मास्टरिङ श्याम बाग्दासले गरेका हुन् ।

गीतको भिडियोमा मिस पवि अलिशा बास्तोलाको,सहितको रमाइलो अभिनय देख्न पाइञ्छ भने,उक्त तीज गीतमा एउटी चेलीको लागि आफ्नो आमाबुवा नै सब थोक हो बर्षौ दिनमा आउने तीजमा पनि यदि आफ्नो माईत आफ्नो आमाबाबा संग हुन् पाईएन माईत जान पाईएन भने, तीज आएर पनि नआएको,मन दुखि हुने तीजै खल्लो हुने जस्तो भावलाई समेटेर,रमाईलो पारामा उक्त गीत तयार पारि भिडियो निर्माण गरिएको हो भन्छिन गीतकार कमला न्यौपाने |

गीतकार साहित्यकार न्यौपानेले प्रत्येक बर्ष तीजमा आफ्नो शब्द रचनामा नेपाली गीत संगीत बजारमा तीज गीत ल्याउने गरेकी छिन। तीजको मौलिक नेपाली परिवेश,पारिवारिक भावना र महिलाहरूको उत्सवमय प्रस्तुतिलाई समेटिएको तीज गीतको भिडियोमा युवराज वाईवाले निर्देशन,प्रमोद भण्डारीको नृत्य निर्देशन,दीपक गिरीको छायांकन,टेकेन्द्र शाहको सम्पादन रहेको छ । यस गीतको म्यूजिक भिडियो व्यवस्थापनमा गायक संगीतकार अनुप रेग्मीको साथ् सपोर्ट रहेको छ ।

गीतको भिडियोमा लगानी कर्ता भने प्रकाश न्यौपाने रहेका छन्। गीतको रेकर्डिङ भिडियो निर्माण पक्षमा विभिन्न प्राविधिक तथा कलाकारहरूको सहकार्य रहेको छ । गीत तथा भिडियोको सकारात्मक प्रतिक्रियाले आगामी दिनमा गीत अझ व्यापक दर्शक स्रोता माझ पुग्ने अपेक्षा गरिएको छ, भन्छिन गीतकार साहित्यकार न्यौपाने ।

तीज नजिकिँदै जाँदा नेपाली दर्शक तथा संगीतप्रेमीमाझ यो गीतले थप चर्चा पाउने विश्वास लिएकी छन् गीतकार साहित्यकार न्यौपानेले ।‘माइती नगई तीजै आएन, — यस वर्षको तीजमा नेपाली मौलिकता,भावना र मनोरञ्जनलाई एकैसाथ प्रस्तुत गर्ने प्रयास गीतकार साहित्यकार कमला न्यौपानेको छ ।

गीतको भिडियोलाई Tarang The Wave Creation यूट्यूब च्यानल बाट सार्वजनिक गरिएको छ। आउनुहोस सार्वजनिक तीज गीतको भिडियो हेरौं ।