कसले बनाएका थिए ‘एनिमल’ को ५०० किलोको मेसिनगन?

बलिउड अभिनेता रणवीर कपूर अभिनीत फिल्म ‘एनिमल’ ले बक्स अफिसमा राम्रो कमाइ गरिरहेको छ।

भारतीय सञ्चारमाध्यम हिन्दुस्तान टाइम्सका अनुसार फिल्मले भारतीय बक्स अफिसमा २४० करोड ८५ लाख भारू कमाएको छ। यो एक्सन फिल्म हो।

फिल्ममा रणवीरले ५०० किलोको मेसिनगन चलाएका छन्। कतिपयले उक्त मेसिनगन विदेशमा बनेको अनुमान लगाएका थिए। तर फिल्मको एक प्रमोसन कार्यक्रममा निर्माण टिमले भारतमै बनेको बताएका छन्।

यो मेसिनगन प्रोडक्सन डिजाइनर सुरेश सेल्वराजनले बनाएका हुन्। उनले चार महिना लगाएर वास्तविक स्टिलबाट बनाएको बताएका छन्।