एक क्विन्टल सुन तस्करी प्रकरणमा व्यापारी राकेशकुमारको घरमा अनुसन्धान विभागको टोलीले छापा मारेपछि…….

काठमाण्डौ १८ साउन । एक क्विन्टल सुन तस्करी प्रकरणमा व्यापारी राकेशकुमार अडुकियाको घरमा बुधबार राजस्व अनुसन्धान विभागको टोलीले छापा मारेपछि एकाएक उनी चर्चामा आए।

तस्करीमा संलग्न भएको आरोपमा कमलपोखरीस्थित अडुकियाको घरमा छापा मार्दा भने उनले नेपाल छाडिसकेका थिए। त्रिभुवन अन्तर्राष्ट्रिय विमानस्थलको भन्सारबाट पास हुँदै गर्दा तस्करीको १ क्विन्टल सुन बरामद गरेको एक साता बितेपछि राजस्वको टोलीले अडुकियाको पनि संलग्नता रहेको आशंका देखेको थियो। त्यसपछि बुधबार राजस्वको टोलीले उनको घरमा छापा मार्‍यो।

राजस्वको टोलीले एकाएक उनको घरमा छापा मारेपछि अडुकिया को हुन् भन्नेबारे चासो सुरु भयो। अनुसन्धानका क्रममा उनी नेपाल भारत दुबै देशको राहदानी तथा पासपोर्ट भएका व्यवपारी रहेको खुलेको स्रोतको दाबी छ। उनले काठमाडौं, दिल्ली, दुबई, हङकङको भ्रमण गरिरहने गरेको रिपोर्ट कार्ड देखिएपछि झनै संकामा आएको विभागको दाबी छ।

को हुन् अडुकिया?
क्विन्टल सुन तस्करी प्रकरणमा राजस्व अनुसन्धान विभागको सर्वाधिक खोजी सूचीमा रहेका पात्र हुन् अडुकिया। विश्वस्त स्रोतको दाबीअनुसार उनीसँग नेपाल भारत दुबै देशको राहदानी तथा पासपोर्ट छ। उनी सेयर बजारका चर्चित खेलाडी समेत हुन्। अडुकिया लामो समयदेखि सेयर मार्केटमा काम गरेका व्यक्ति रहेको खुलेको छ।

विशेषगरी अडुकिया जेड ६३९६४२१ नम्बरको भारतीय राहदानी बोकेर विदेश भ्रमण गर्ने गरेको खुलेको छ। अहिले हङकङबाट काठमाडौं आएको १ क्विन्टल सुन बरामद हुनु र उनी यसको ठिक एक महिना अघि मात्रै हङकङ जानुले यो सुनको साइनो अडुकियासम्म पुग्ने आशंका राजस्व अनुसन्धान विभागको छ।

उनी गत जनु २६ मा नेपाल वायु सेवा निगमको उडानमार्फत् दिल्ली पुगेका थिए। दिल्लीबाट उनी हङकङ पुगेका थिए। हङकङमा अडुकियाले १२ दिन बिताएका थिए। १२ दिनसम्म हङकङमा बसेर के गरे भन्ने नखुले पनि उनले त्यहाँ अहिले बरामद भएको सुनको सम्पूर्ण बन्दोबस्द मिलाउने काम गरेको आशंका राजस्व छ।

जुलाई ५ मा उनी हङकङबाट दुबई हुँदै काठमाडौं आइपुगेका थिए। उनले हङकङ जान विशेष गरी दिल्ली, दुबई, थाइल्याण्डको रुट प्रयोग गर्ने गरेको अनुसन्धानमा संलग्न अधिकारी बताउँछन्।

पछिल्लो ६ महिनादेखि हङकङ आउजाउ गरिरहेको देखिएकाले यो सुन तस्करी प्रकरणमा उनको संलग्नता हुनसक्ने आशंका गरिएको छ। हङकङको टुर संकास्पद देखिएपछि उनको घरमा छापा हाने पनि अडुकियाले भने देश छाडिसेकका पाइएको छ।

सुन तस्करीमा संलग्न रहेको आशंका गरिएका अडुकिया कुनै समय सेयर बजारका प्रमुख खेलाडी मध्ये एक थिए। गोर्खा विकास बैंक काण्डपछि उनी सेयर बजारको ठूलो खेलाडीबाट विस्थापित भए। त्यसपछि उनी सुनको धन्दामा लागेको हुनसक्ने आशंका गरिएको छ।

गोर्खा विकास गोर्खा विकासमार्फत् सर्वसाधारणको करौडौं निक्षेप डुबाउनेमा पनि उनको मुख्य भूमिका रहेको थियो।

गोर्खा बैंकको कुनै कार्यकारी पदमा नभए पनि कसलाई के बनाउने भन्नेसम्मको हैसियता राख्ने गरेका अडुकियाले पर्दा पछाडि बसेर गोर्खा बैंकलाई डुबाएको जानकाहरु बताउँछन्। गोर्खा बैंक प्रकरणमा उनी पक्राउ परेर पुनरावेदन अदालतले अन्तरिम आदेश दिएपछि छुटेका थिए। उनीविरुद्ध बैंकिङ कसुरको मुद्दा भने कायमै रहेको पाइन्छ। पछि उनले वेल्थ एक्सचेन्ज नामको कमोडिटी मार्केटिङ कम्पनी समेत खोलेका थिए।

अडुकियाले बनाएका थिए ‘तीन घुम्ती’ चलचित्र
सेयर बजारका खेलाडी भनिएका यिनै अडुकियाले ‘तीन घुम्ती चलचित्र’ समेत निर्माण गरेका थिए । नेपाली कांग्रेसका संस्थापक नेता तथा नेपालका प्रथम जननिर्वाचित प्रधानमन्त्री विश्वेश्वर प्रसाद कोइरालाको उपन्यास‘तीन घुम्ती’मा आधारित रहेर अडुकियाले २०७३ सालमा चलचित्र निर्माण गरेका थिए।

बाबुराम ढकालले निर्देशन गरेको यो चलचित्रका पटकथाकार सामिप्य तिमिल्सिना हुन्। तत्कालीन प्रधानमन्त्री एवं नेपाली काग्रेस सभापति सुशील कोइराला, पूर्व प्रधानमन्त्री एवं एमाले नेता माधव कुमार नेपाल, तत्कालीन काग्रेस उपसभापति रामचन्द्र पौडेल (हाल राष्ट्रपति) लगायतले प्रिमियर सोमा चलचित्र हेरेका थिए। २०७३ असार १७ गते चलचित्र रिलिज हुनेबेला भने सुशील कोइरालाको निधन भइसकेको थियो।

ए हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा डट कम र cbnepal यू ट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |