प्रदेश सरकारले सिन्धुपाल्चोकका सात वटा सामुदायिक विद्यालयलाई बस प्रदान गर्यो,

काठमाण्डौ, ८ पुष । बागमती प्रदेश सरकारले सिन्धुपाल्चोकका सात वटा सामुदायिक विद्यालयलाई विद्यालय बस प्रदान गरेको छ । मेलम्ची नगरपालिका–११ को इन्दे्रश्वरी माध्यमिक विद्यालय, तेस्र्रे मावि, कुविण्डेको सेतीदेवी मावि, सानोसिरुवारीको सिद्धिगणेश मावि, थुम्पाखरको महेन्द्रोदय माविलाई अनुदानमा विद्यालय बस प्रदान गरिएको हो ।

त्यस्तै थाङ्पाल भ्याली पाँचपोखरी, लागर्चे र चौताराका सामुदायिक विद्यालयलाई केही दिनभित्रै विद्यालय बस उपलब्ध हुने भएको छ । बागमती प्रदेश सरकारका भौतिक पूर्वाधार विकासमन्त्री युवराज दुलालले सामुदायिक विद्यालयको शैक्षिक गुणस्तर उकास्ने कार्यक्रम अन्तर्गत विद्यालय बस हस्तान्तरण गरिएको जानकारी दिनुभयो ।

मन्त्री दुलालले आफू प्रदेशको सामाजिक विकासमन्त्री हुँदा प्रदेशका ३० वटा विद्यालयलाई शैक्षिक र भौतिक रूपमा सुविधासम्पन्न बनाउने उद्देश्यले सुरु गरिएको कार्यक्रम अन्तर्गत अहिले सिन्धुपाल्चोकका सात विद्यालयलाई अनुदानमा बस उपलब्ध गराइएको बताउनुभयो ।

उहाँले आर्थिक वर्ष २०७५/७६ को बजेट तथा कार्यव्रmममार्फत बस उपलब्ध गराउने नीति सुरु गरेको बताउनुभयो । दुलाल यसअघि प्रदेशको सामाजिक विकासमन्त्री हुँदा एक विद्यालय एक नर्स, विद्यालय बस, सामुदायिक विद्यालयमा छात्रवास कार्यक्रम ल्याउनुभएको थियो । \

मेलम्ची नगरपालिकाका प्रमुख आइतमान तामाङले विद्यालय बस सञ्चालनमा धेरै चुनौती रहेको र त्यसमा बागमती प्रदेश सरकारको सहयोग आवश्यक रहेको बताउनुभयो । इन्दे्रश्वरी माविका प्रधानाध्यापक देवी श्रेष्ठले विद्यालय बसले विद्यार्थीलाई आवतजावतमा सहज हुने बताउनुभयो । समाचार gorkhapatraonline बाट ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |